DİA.AZ: - "Şikayətim var, 8 noyabr prospektində yerləşən Bravo marketdən..." DİA.AZ bildirir ki, bu barədə Əziz Səmədov adlı istifadəçi "Mənim Şikayətim Var" sosial qrupunda giley edir.
Daha sonra narazı vətəndaş yazır: "Camaatı aldadılar. Tabloda qiymət bir curdü, tərəzidə isə qiymət başqa curdü. Və iradımı bildirəndə mənə deyildiki: sistemda problem var, zəng edin *2266 qoy araşdirsınlar. İndiyə kimi araşdırırlar..."
Onu da qeyd edək ki, şikayətçinin iddialarına sözügedən marketlər şəbəkəsindən dərhal reaksiya verilib. Reaksiyada bildirilir:
"Hörmətli Əziz Səmədov, ilk öncə qarşılaşdığınız xoşagəlməz hal üçün sizdən üzr istəyirik! Sizin müraciətiniz biz tərəfdən dərhal qeydə alınaraq market rəhbərliyinə yönləndirilib. Bildirmək istərdik ki, qeyd olunan hal insan faktorundan yaranıb. Müraciətiniz araşdırılıb, nəticədə market əməkdaşları tərəfindən sizinlə əlaqə saxlanılıb və üzürxaqlıq olaraq yaranmış qiymət fərqini ödənilməsi təklif olunub. Bunun üçün marketə yaxınlaşmağınızı sizdən xahiş edirik. Anlayışınıza görə təşəkkür edirik".
Hər halda, şikayətə səbəb olunan ünvanın narazı vətəndaşa bu cür adekvat reaksiya verməsi alqışlanmalıdır...